Mensch ärjer dich net


E`Wärfelschbiel
fer Groß und Klää ,
so schbannend un
meischt arisch schää ,
fer denn der wo
die Sechser schmeißt ,
un schnell es Schbiel
dann an sich reißt.

Em Bloe demm
will nix gelinge ,
do helft kä schelle
un kä singe ,
er wärfelt finf
vier drei un zwää ,
derweil der Rode
hääm dut geh`.
Do helft kä blose
un beschwere ,
der Wärfel will halt
garnet heere ,
die Au(g)e beiwen
meddedrinn ,
hat weidermache
noch en Sinn ?
Doch bletzlich rollt
die Sechs am Disch ,
jetzt erscht geht`s los
du dummelscht dich ,
un schmeischt
noch annre hinne no ,
un zischelscht wad nor
ich bin do !

Die Hetz geht los
es Brett is voll ,
mit alle Farwe
is des doll ,
die Männcher
schbringe falle renne ,
aach selles Schbiel
des muss mer kenne .
De Nekschde is sich
jeder selbscht ,
un wann de mol
em annre helfscht ,
do schmeißt mer dich
glei aach enaus ,
sa(g) selbscht
sieht so nets Lewe aus ?!

Dess is e`Renne
uff demm Brett ,
de Gääle guckt
dich a`so nett ,
derweil de Griene
hämisch lacht,
un dich de Lila
ferdisch macht .

Dess zwädde Schbiel
un aach es dritte ,
es achde unn du
in die Mitte ,
un widder nix als
noor dei Fett ,
duder net weh .

Mensch ,
ärjer dich net.


etoilee